ទ្រព្យសម្បត្តិ បុណ្យសក្ត័ សម្ភារ:ប្រើប្រាស់ និងលំនៅដ្ឋាន មិនមែនជារង្វាស់នៃគុណភាពជីវិត និងតម្លៃរបស់មនុស្សឡើយ។ អ្វីៗគ្រប់យ៉ាងដែលលុយទិញបានគឺសុទ្ធតែជារបស់ថោកទាំងអស់
ហើយមុខរបរដែលថោកទាបបំផុតរបស់មនុស្សគឺការលក់ដូរឧត្តមគតិខ្លួនឯង ប្រព្រឹត្តរឿងអមនុស្សធម៍ និងអយុត្តិធម៌ដើម្បីចិញ្ចឹមជីវិត។ គុណភាពនៃជីវិតមនុស្សគឺស្ថិតនៅត្រង់ការរស់នៅប្រកបដោយសេចក្តីសុខ ភាពរីករាយ និងសុភមង្គល។ រីឯតម្លៃមនុស្សគឺស្ថិតនៅលើបញ្ញា និងគុណធម៌ ដែលមានសុចរិតភាពជាស្នូល។